Lehiakortasuna eta suspertzea hobetzeko Eraldaketa Digitala
11/06/2021
Izarra Centre-n eraldaketa digitalaren eta IoT-ren (Internet of Things) inguruan aritu gara. Bizkaiko ETEen lehiakortasuna eta suspertzea hobetzeko Eraldaketa Digitala (TransDi) proiektu pilotuaren soluzioen aurkezpena egin dugu. GAIA klusterrak, Bizkaiko Foru Aldundiak eta Ermuko Udalak elkarlanean egindako proiektua da.
Jardunaldiaren helburua, alde batetik, industria-enpresek lehenetsitako bi eremuei erantzuten dieten proposamen espezifikoak eta planteamendu zehatzak aurkeztea izan da: ‘Industria-prozesuen eta/edo industria-aktiboen monitorizazioa eta/edo urruneko kudeaketa’ eta ‘industria-prozesuetan pertsonak gaitzea’. Bestalde, industria-enpresek beren beharretara gehien egokitzen den irtenbidea aukeratu beharko dute.
Uni Eibar-Ermua, Armeria Eskola eta Mondragon Unibertsitateko bost ikasle taldek Pro IoT ekimenaren barruan garatu dituzten berrikuntza proiektuak aurkeztu dituzte ostiral honetan. Ermuko Udalak eta Bizkaiko Foru Aldundiko Enplegu, Gizarteratze eta Berdintasun Sailak bultzatu eta finantzatu dute proiektua.
Teresa Laespada Foru Diputatua, Juan Carlos Abascal Ermuko alkatea eta Josu Ansola Ermuko Udaleko Garapen Ekonomikoko zuzendaria izan dira Pro IoT proiektuaren erdi itxieran, Izarra Centre eraikinean. Azken asteetan programa honetan parte hartu duten ikasleek inguruko enpresetan sortzen diren gabeziak edo arazoak konpontzeko proiektu berritzaileak sortzen eta abian jartzen lan egin dute.
Uni Eibar-Ermuko Sareko Sistema Informatikoen Administrazioa, Mondragon Unibertsitateko LEINN Lidergo ekintzaile berritzaileko Gradua eta Armeria Eskolako Fabrikazio Mekanikoko Diseinua, Telekomunikazio eta Informatika Sistemak eta Fabrikazio Mekanikoko Ekoizpenaren Programazioa ikasten duten ikasleek diziplina anitzeko bost talde osatu dituzte honako irtenbideak prestatzeko:
Berogailuak martxan mantentzeko butanoa aldatzea beharrezkoa denean, abisuak bidaltzeko sistema
Produkzio-prozesuaren kontrola eta stocken kudeaketa
Dokumentu-edukiontzien bilketa optimizatzea
Ebaketa-likidoaren deposituen betetze-kontrola
Makinen geldialdiak monitorizatzea, erregistratzea eta bistaratzea
Parte-hartzaileek euren proiektuak aurkeztu dituzte irtenbideak sortu ahal izateko eman dituzten pauso guztiekin, eta erakustaldi praktikoak egin dituzte beren sorkuntzek nola funtzionatzen duten ikusteko.
Elon Smart Tech tokiko enpresa teknologikoak lagundu eta tutoretza eman die talde horiei azken asteetan, eta Tazebaez eta Ai!Ene enpresen laguntza ere jaso dute ekintzailetzaren arloko prestakuntzan, negozio-proiektuen sorkuntzan eta design thinking atalean.
Pro Lab IoT ekimenak jarraipena ematen dio iaz Aldundiak babestu zuen Ekintzailetza Digitaleko Programa Integratuari (PIED), eta IoTBASQUE Izarra Lab proiektuari lotutako enpresa-ekimenen sorrera dinamizatu nahi du. Horrela, Ermuko Udalak arlo ekonomikorako dituen bi helburu estrategikori erantzuten zaie: talentua erakartzea eta industriaren kualifikazioa.
Ekitaldia maiatzaren 27an izango da, 18: 00etan, Izarra Centren, eta modalitate mistoa izango du: aurrez aurre eta streaming bidez.
Womenekin emakumeen ekintzailetza babesten saiatzen da, eta horretarako topagune bat eta ekintzaileen arteko lotura eskaintzen.
Womenekin emakumeen ekintzailetza babesten saiatzen da, eta horretarako topagune bat eta ekintzaileen arteko lotura eskaintzen du. Sektore desberdinetan ekintzialetza bideak egin dituzten hainbat emakume gonbidatu ditugu euren bizipenak kontatzeko (empresa zerbitzuak, industria…) eta euren arrakastei, gainditu behar izan dituzten zailtasunei, etorkizuneko ikuspegiari eta abarri buruz arituko dira. Hauek dira:
• SUSANA VELASCO. HERVEL ELECTROQUIMICA, S.L.-ko gerentea. 50 urtetik gorako familia-enpresa, azalera metalikoen eta hondakin-uren tratamendurako produktuen sektorean irtenbideak ematen.
• BEATRIZ LOPEZ. BE SIMPLE enpresen konsultoria integralaren fundatzailea eta de H2B Business Group Elk. Koop.Txikiaren fundatzaileetako bat.
Moderatzailea Lorea Arakistain izango da (Eibartar kazetaria eta egun puntuEUS elkartearen Marketin eta Komunikazioko arduraduna).
Prestakuntza eta start-upen arteko topaketa Izarra Centren
13/04/2021
BerriUpek, Euskadiko lehen enpresen azeleragailu pribatuak, start-upentzat jardunaldia antolatu du datorren ostiralean, apirilaren 16an, Izarra Centren. Ekimen horren bidez, batetik, prestakuntza eskaini nahi da hainbat proiektu bultzatzeko, eta, bestetik, networkinga sustatu nahi da hasten ari diren enpresen artean.
Jardunaldiaren lehen zatian, BerriUpen enpresen azelerazio programaren 12. edizioko proiektu irabazleak bilduko dira, eta ekimenaren zuzendaritzaren eta aholkularien prestakuntza-saioa jasoko dute. Azken edizioko start-up irabazleak Miru Studio (argitalpen- eta posizionamendu-zerbitzuak eskaintzen dizkie estudioei eta bideo-jokoen garatzaileei, errealitate birtualean) eta Almotech izan dira. Azken horrek etxean erabilitako olioa erraz balorizatzea ahalbidetzen duen etxetresna elektrikoa garatu du, erabilera desberdinetarako xaboi likidoa lortuz.
Bigarren blokean, 15:00etatik aurrera, pitch & beer topaketa garatuko da; networking gune bat izango da, BerriUpen programan parte hartu duten start-upek beren proiektua Izarra Centreko mintegiko enpresei ezagutarazteko, eta alderantziz. Horrela, enpresa berritzaileak bildu eta elkarren artean hurbildu nahi dira, haien artean eta inguruko industria-ehunarekin harreman zuzena izan dezaten.
Programa berrirako deialdia zabalik
BerriUpek hasiera eman dio gaur, apirilak 9, enpresen azelerazio programaren 13. edizioari. Ekimen honetan parte hartu nahi duten proiektu berritzaile guztiek maiatzaren 23ra arte bete dezakete izen-ematea esteka honen bidez.
Prestakuntza eta start-upen arteko topaketa Izarra Centren
13/04/2021
BerriUpek, Euskadiko lehen enpresen azeleragailu pribatuak, start-upentzat jardunaldia antolatu du datorren ostiralean, apirilaren 16an, Izarra Centren. Ekimen horren bidez, batetik, prestakuntza eskaini nahi da hainbat proiektu bultzatzeko, eta, bestetik, networkinga sustatu nahi da hasten ari diren enpresen artean.
Jardunaldiaren lehen zatian, BerriUpen enpresen azelerazio programaren 12. edizioko proiektu irabazleak bilduko dira, eta ekimenaren zuzendaritzaren eta aholkularien prestakuntza-saioa jasoko dute. Azken edizioko start-up irabazleak Miru Studio (argitalpen- eta posizionamendu-zerbitzuak eskaintzen dizkie estudioei eta bideo-jokoen garatzaileei, errealitate birtualean) eta Almotech izan dira. Azken horrek etxean erabilitako olioa erraz balorizatzea ahalbidetzen duen etxetresna elektrikoa garatu du, erabilera desberdinetarako xaboi likidoa lortuz.
Bigarren blokean, 15:00etatik aurrera, pitch & beer topaketa garatuko da; networking gune bat izango da, BerriUpen programan parte hartu duten start-upek beren proiektua Izarra Centreko mintegiko enpresei ezagutarazteko, eta alderantziz. Horrela, enpresa berritzaileak bildu eta elkarren artean hurbildu nahi dira, haien artean eta inguruko industria-ehunarekin harreman zuzena izan dezaten.
Programa berrirako deialdia zabalik
BerriUpek hasiera eman dio gaur, apirilak 9, enpresen azelerazio programaren 13. edizioari. Ekimen honetan parte hartu nahi duten proiektu berritzaile guztiek maiatzaren 23ra arte bete dezakete izen-ematea esteka honen bidez.
Lankidetza eta kooperazioa, 4.0 industriara jauzi egiteko ardatzak
27/02/2020
4.0 erakundeak – Teknologiatik haratago jardunaldia hasi da gaur osteguna, otsailak 27, Izarra Centren. Ermuko Udalak antolatu du ekitaldia, Innpulso Sarearekin batera, eta pertsonek laugarren industria-iraultzak (4.0) dakarren trantsiziora egokitzeko dituzten gaitasunak eta beharrak ditu ardatz. Era berean, aldaketa horrek pertsonengan duen eragina neurtu nahi da, aurrerapen teknologikoak hartzeari dagokionez.
09:30ean hasi da jardunaldia erakundeen ongietorria eginez. Bertan izan dira Innpulso Sareko presidente eta Ermuko alkatea, Juan Carlos Abascal, Teresa Riesgo Berrikuntzako Espainiako Idazkari Nagusia, Teresa Laespada Enplegua, Gizarte Inklusioa eta Berdintasuna sustatzeko Foru Diputatua, eta Mikel Amundarain Eusko Jaurlaritzako Industria Garapeneko zuzendaria.
Minutu batzuk lehenago, Juan Carlos Abascalek prentsaurrekoari ekin dio. Bertaratu direnei eta ekitaldiari hasiera eman dioten ordezkariei eskerrak emanez hasi du bere hizketaldia, erakundeen arteko lankidetzagatik eta kooperazioagatik. Ermuko alkateak azaldu duenez, teknologia “ekonomia zirkularra, hondakinen kudeaketa edota zahartzea bezalako gizarte erronkei aurre egiteko tresna garrantzitsua” da, baina garrantzitsuena “pertsonak” direla azpimarratu du. “Dugun onena eskainiz, gizarte eraginkorragoa eta berdintasunezkoagoa eraikiko dugu, eta horixe izango da Administrazio Publikoaren erronka nagusia”.
Teresa Laespaga Enpleguko Foru Diputatuak adierazi du gizartean aurre egiteko beharrezkoa dela “lankidetzan aritzea eta sareak osatzea”, betiere “hiritarren bizi kalitateari begira”. “Teknologiak pertsonen bizitza duintzen laguntzen du eta bidea errazten du, eta bidezko trantsizioa egin behar dugu 4.0 industriarantz”, azaldu du.
Mikel Amundarain Eusko Jaurlaritzako Industria Garapeneko zuzendariak 4.0 industria “Euskadirentzat erronka handia” izango dela azpimarratu du, ekonomian eta enpleguan duen indarra dela eta. Abascalen haritik, paradigma aldaketa honetan pertsonek izango duten garrantziaz mintzatu da Amundarain: “egiteko, antolatzeko eta elkarren artean harremantzeko moduak aldatu arren, pertsonak dira ardatza”. “Askok jada hasi dute 4.0 industriara bidea, eta guztion artean, elkarrekin eman behar ditugu pausoak”, zehaztu du.
Teresa Riesgo Estatuko Berrikuntza Idazkariak berrikuntza hitzaren definizio zehatz batean sakondu nahi izan du; horren arabera, “berrikuntza ezagutzatik dator, baina ez beti zientziari lotuta, eta gainera balioa sortzen du, baina ez beti ekonomikoa soilik”. “Erakundeek beste parametro batzuen arabera egin behar dituzte ebaluazioak, adierazle ekonomikoez gain beste hainbat datu behar baitira”, azaldu du. Riesgoren hitzetan, 4.0 industriara jauzi egiteko, “tokiko administrazioen arteko lankidetza berebizikoa da, herritarrei entzunez”.
Goiz osoan zehar, erakundeetako ordezkariek eta 4.0 ekosistemarekin eta enpresen digitalizazioarekin lotutako adituek parte hartuko dute topaketan, hitzaldi-bloke, mahai-inguru eta lan-dinamika ezberdinetan banatuta. Helburu nagusia pertsonek 4.0 mundura egokitzeko duten gaitasunari eta trantsizio horren eta aurrerapen teknologikoak hartzearen eraginari buruzko esperientziak partekatzea da.
Maiatzak 27
18:00etan
Izarra Centre-eko auditorioan. Zeharkale 36 Ermua.
