Aste batzuk dira Bai.k merkaturatzen hasi zela. Izarra Centren dagoen Mundo Pirulina SL enpresa oso albiste positiboak jasotzen ari da bere produktua merkatuan kokatzeko prozesuan.

Enpresa gazte honek kalitatezko produktua eskaintzen dio jaiotzen den lurraldeari lotutako sektore zorrotz bati. Horrela, Mundo Pirulina SLk % 100eko euskal produktua garatu du (ikusmoldea, diseinua eta fabrikazioa), txirrindularitzaren sektorearen arreta merezi izateko kalitate-estandarrak bete nahi dituena. Horri esker, Euskadi Fundazioaren enpresa kolaboratzaile eta Bai.k-en hornitzaile bihurtu da.

Ekipoek badute produktua bizikletan segurtasun handiagoz entrenatzeko. Helburua pixkanaka Euskadi Fundazioko talde guztiei Bai.k ematea da.

Lankidetza horren helburua da, batetik, Fundazioko txirrindularien segurtasuna hobetzea, arreta-sistemen erantzun-denborak hobetuko dituen alerta elektronikoa erraztuz, eta, bestetik, Euskal Autonomia Erkidegoan bizikletaren sektorera bideratutako enpresa berriak sortzen eta finkatzen laguntzea. Euskadi Fundazioak bizikletaren sektoreari aplikatutako teknologiaren garapena sustatzea ere bada lankidetza honen helburua.

Mundo Pirulina SLren asmoa kalitatezko produktu bat eskaintzen jarraitzea eta bizikleta erabiltzen duten pertsonei zerbitzu adimendun berriak eskaintzeko eboluzionatzen jarraitzea da.