HAZILAN+, laneratzeko programa

🎯 Hazilan+ 2025: Bultzatu zure karrera profesionala enplegurako dituen bi ibilbideetako batekin

Unibertsitateko, erdi-mailako edo goi-mailako prestakuntza duzu, baina bultzada bat behar duzu lan-merkatuan sartzeko?
Hazilan+ programa, Debegesa Debabarreneko Garapen Agentziak sustatua, enplegu, birorientazio edo laneratze bila dabiltzan pertsona kualifikatuei laguntzeko diseinatuta dago.

Dagoeneko zabalik dago bi prestakuntza-ibilbide pertsonalizatuetan parte hartzeko deialdia. Programa FSE+ Euskadi 2021 – 2027 Programa Operatiboaren parte da. Programa horren % 40 Europako Gizarte Funtsak finantzatzen du, eta % 60 eskualdeko udalek, Ermukoa barne.

🛤️ Ibilbidea: OSATU

Prestakuntza eta esperientzia praktikoaren bidez enplegurako funtsezko gaitasunak eskuratu nahi dituztenei zuzendua.

• “Aktibatu” talde-tailerretan parte hartuko duzu, trebetasun pertsonaletan eta profesionaletan oinarrituta.
• Zure profilarekin bat datozen praktikak egin ahal izango dituzu enpresan.

📅 Datak: 2025eko maiatzaren 19tik ekainaren 25era

🛤️ Ibilbidea: LORPEN

Lan-merkatuan zuzenago sartu nahi dutenentzat pentsatua, irizpide hauetakoren bat betetzen badute:

• Ezin zara joan OSATU talde-ibilbidera.
• Enplegu bat berehala eskuratzeko beharrezkoak diren trebetasunak dituzu.
• Euskaditik kanpo bizi zara eta itzuli egin nahi duzu.

✅ Zuretzat da?

Hazilan+ bereziki honako egoera hauetan dauden pertsonei zuzenduta dago:

• Ikasketak amaitu dituzu, baina esperientzia falta zaizu.
• Langabezian zaude eta gaitasunak eguneratu behar dituzu.
• Zaintzan aritu zara eta lan-merkatura itzuli nahi duzu.

Programan interesa baduzu, eman izena estekatuta uzten dugun formulario honetan.