Aurrerapauso bat iraunkortasunean: Datuak eraginkorragoak izateko

Izarra Fundazioa eta Ermuko Udala, Bizkaiko Foru Aldundiaren laguntzarekin, Ermuko Datuen Gunea bultzatzen ari dira. Ekimen aitzindaria da, eta udalerriko enpresei aukera ematen die lankidetzan aritzeko, informazioa partekatzeko eta jasangarritasuna hobetzeko proiektu zehatzak garatzeko, haien kostuetan eta lehiakortasunean benetako eragina izanik.

Zertan Datza?

Datuen Guneak balioa ematen dio enpresen arteko lankidetzari: datuak modu egituratu eta seguruan partekatuz, posible da banaka erakunde gehienentzat eskuraezinak izango liratekeen proiektuei ekitea. Ez da beharrezkoa aldez aurretik iraunkortasunean esperientzia izatea, ezta baliabide tekniko handiak izatea ere.

Elkarrekin zer egin dezakegu?

Parte-hartzen duten enpresekin batera, zein proiektu diren zentzuzkoenak Ermuaren errealitatearentzat identifikatu nahi dugu. Ez da zerrendatu bat betearaztea, baizik eta enpresekin elkartu, haien beharrak eta lehentasunak ulertu, eta elkarrekin erabakitzea nondik hasi.

Abiapuntu gisa, hauek dira aztertzen ari garen ildo batzuk:

⚡ Energia

• Enpresa-energia komunitatea: enpresen arteko autokontsumoa simulatzea, eguzki-energia banatzea eta fakturan aurreztea.
• Energia-benchmarka: kontsumoak antzeko enpresekin alderatzea, inefizientziak detektatzeko eta hobekuntzak lehenesteko.
• Eskariaren gailurrak murriztea: elektrizitate-fakturan zigorrak identifikatu eta murriztea.
• Laguntzako kontsumoak optimizatzea: aire konprimatua, klimatizazioa, labeak eta ponpaketen diagnostikoa, kostu baxuko neurrien bidez.
• Energia-aginte-koadroa eta karbono-aztarna: errendimendu energetikoaren eta emisioen ikuspegi agregatu bat, reportinga hobetzeko eta laguntza publikoetara iristeko.

♻️ Hondakinak eta Ekonomia Zirkularra

• LER kodeetako hondakinen inbentario komuna: kontrol handiagoa, betetze arauemailea eta beste hobekuntza batzuetarako oinarria.
• Hondakinen logistika partekatua: ibilbide optimizatuak eta kudeatzaileekin negoziazio hobea. Kostu eta garraio-aztarna txikiagoa.
• Dokumentazio-trazabilitatea: albaranak, ziurtagiriak eta kontratuak digitalizatzea. Zama administratibo txikiagoa.
• Azpiproduktu eta material baliogarrien barne-marketplace-a: enpresen artean berrerabilgarriak diren materialen katalogoa. Sinergia berriak eta diru-sarrerak.
• ESG eta zirkularitate-adierazleak: reportinga, ospea eta erabaki-hartzea hobetzeko datuak.

Ildo hauek proposamen irekia dira, ez konpromiso bat. Garrantzitsuena da parte hartu nahi duten enpresei gehien balioko dien proiektua aurkitzea eta elkarrekin gauzatzea.

Ermuaren apustua etorkizuneko industriaren alde

Ekimen hau Izarra Fundazioaren eta Ermuko Udalaren konpromisoaren parte da, udalerriko enpresak eredu jasangarriagoak, eraginkorragoak eta lehiakorraguak diren ereduetara iragatzen laguntzeko, inor atzean utzi gabe.