10 eta 13 urte bitarteko 24 gaztek Ermua Smart City teknologia tailerra hasi dute

Ermuko 9 neska eta 16 mutilek hasiera eman zieten larunbatean jarduerei

Azken larunbatetan AiEne! Enpresaren eskutik hasi da tailerra. Enpresa horrek produktuen eta zerbitzuen diseinu industrialean jarduten du, Izarra Centre eraikinean kokatuta dago, eta gazteentzako tailer eta jarduerei hasiera eman berri diete. Euskadiko eta Espainiako IoT (Internet of things) erakusteko lehen laborategia gure udalaren eta gaiaren arteko lankidetzari esker Izarra Centren izango dugunez gero, gazteak teknologia gaitzaile horietara hurbildu eta horiek ezagutu ahal izango dituzte. IoTeaz gain, errealitate areagotua eta birtuala, adimen artifiziala eta zibersegurtasuna barne hartzen dituzten jarduerak egingo dituzte. Hori guztia modu dibertigarri eta praktikoan.

Ermuak lanean jarraitzen du teknologia berriak udalerriko ikasle gazteei hurbiltzeko; izan ere, beharrezkotzat jotzen du belaunaldi berriek eta, batez ere, neskek horrelako jarduerekiko interesa piztea, ezagutza horrek genero-arrakala murriztea erraztuko baitu, batez ere Steam gaitasunekin lotutako lanpostuetan (science, technology, engineering, arts eta mathematics).

Tailerra amaitzean, Izarra Centreko hirugarren solairuan dagoen IoT laborategia bisitatzeko aukera izango dute parte hartzen duten gazteek; izan ere, une horretarako martxan egongo baitugu, eta teknologia horren panel praktikoak eta erakusleak izango ditu, bai Smart Industry eremuan, bai Smart Centre-n. Horrela, gazteak horren partaide izango dira, beren ezagutza zabal dezaten; izan ere, espazio horrek irtenbideen katalogo bat eskainiko du, hiriei eta enpresei beren baliabideen kudeaketan lehiakorragoak eta eraginkorragoak izateko aukera emango diena.

Ermuko iSTEAM ekintza eta tailerrak izango dira Gabonetan: jada izen-ematea zabalik

Ermua iSTEAM jarduera abenduaren 28, 29 eta 30ean egingo da 11:30etik 13:30era Izarra Centreko laugarren solairuan. Interesa duten familiek izena eman dezakete dagoeneko. MathMysteryBox Zientzia eta Matematika Dibulgatzeko Elkarteak hiru hitzaldi/tailer eskainiko ditu 11 urtetik aurrerako haurrentzat, eta guraso eta/edo senitartekoekin egon ahal izango dira zientzia eta teknologian murgiltzeko abentura zoragarri honetan. Gauzen Internet IoT (euskaraz), Magia edo zientzia? (Elebiduna) eta Beirazko zabaiak suntzitzen (elebiduna) dira programatutako hitzaldien tituluak.

Ermuan ISTEAM ekintzetan izena emateko hainbat bide izango ditugu: etxeko postontzian jasoko dugun flyerraren QR kodea eskaneatu eta inskribatzea edo datuak pe@udalermua.net posta elektronikora bidaltzea.